Apollo 11: Iäruttâs siijđo versioi kooskâst

'''Apollo 11''' lâi [[NASA]] mánudâšohjelmist vuosmuš mätki, mii kirdettij ulmuid [[Mánudâš|Mánudáá]] asan. Taat lâi nuuvt kočodum G-tiijpâ mätki, mon ulmen lâi siäivuđ Mánudáá asan, nuurrâđ čäittusijd já maccâđ torvolávt Enâmân.<ref name="history.nasa.gov">[https://history.nasa.gov/SP-4029/Apollo_11a_Summary.htm APOLLO 11, The Fifth Mission: The First Lunar Landing 16 July–24 July 1969] Čujottum 9.5.2021 <small>(eŋgâlâskielân)</small></ref>

Apollo 11 -kirdemvuárust kevttui Saturn V-rakkeet, SA-506. Kirdem- já huolâttâsmooduul nommâ lâi Columbia. Mánudâšmooduul lâi LM-5-tijppâ, já ton nommâ lâi Eagle.<ref name="history.nasa.gov"/>

Astronauteh, kiäh kirdii Apollo 11 Mánudâžân, lijjii komendeijee [[Neil Armstrong|Neil Alden Armstrong]] (š. 5.8.1930, j. 25.8.2012), kirdemmooduul piiloot [[Michael Collins]] (š. 31.10.1930, j. 28.4.2021) já mánudâšmooduul piiloot [[Buzz Aldrin|Edwin Eugene "Buzz" Aldrin Jr.]] (š. 20.1.1930). Komendeijee kiirdij rakettáin vuosmuid 12 minuttid, já ton maŋa kirdemmooduul piiloot kiirdij loppâmääđhi. Mánudâšmooduul piiloot lâi määđhi systeeminsner, já suu pargon lâi luuhâđ mittárijd sehe kirdemmooduulpilotân määđhi ääigi et komendeijei Mánudâžân siäivum ääigi já Mánudáást luŋŋânem ääigi. Komendeijee kiirdij meid mánudâšmooduul Mánudáá asan.<ref name="history.nasa.gov"/>

Apollo 11 paččui [[Cape Canaveral]]ist pääččimvuálááš 39A:st [[syeinimáánu 16.]] peeivi [[1969]]. Rakkeet kiirdij Mánudâžân kulmâ pirrâmpeeivi, já niäljád kirdempeeivi adai [[syeinimáánu 20.]] peeivi mánudâšmooduul siäivui Mánudáá asan Mare Tranquilitatisân (Joskâdvuođâ meerâ), mii lâi tuárvi täsivis kuávlu vuosmuu siäivumân. latitude 0.67408° north and longitude 23.47297° east and 22,500 feet west of the center of the landing ellipse. Apollo 11 kirdemmooduul maacâi torvolávt [[Eennâmpállu|Enâmân]] já siäivui [[Kuálhismeerâ|Kuálhis väldimeerân]] [[syeinimáánu 24.]] peeivi.<ref name="hq.nasa.gov">[https://www.hq.nasa.gov/alsj/a11/a11fltpln_final_reformat.pdf Apollo 11 kirdemvuávám] Čujottum 9.5.2021 <small>(eŋgâlâskielân)</small></ref>

Siäivum maŋa Apollo 11 piloteh karttii kuulmâ oho karanteenin ton paaloost, et sij pyehtih Mánudáást vieres taavdâid Enâmân.<ref name="hq.nasa.gov"/>

<small>{{Käldeeh:}}</small>