Eswatini
Eswatini kunâgâskodde (swazikielân: Umbuso weSwatini) ađai Eswatini (swazikielân: eSwatini), mii ovdil kočodui noomáin Swazieennâm, lii staatâ Afrikist. Ton haaldâtlâš uáivikaavpug lii Mbabane já lahâasâttemlâš uáivikaavpug lii Lobamba.
| Eswatini kunâgâskodde Umbuso weSwatini (swazikielân) Kingdom of eSwatini (eŋgâlâskielân) |
|
|---|---|
 lippu |
 vaakun |
 |
|
| Staatâhäämi | absoluutlâš monarkia |
| Ngwenyama Ndlovukati |
Mswati III Ntfombi |
| Uáiviminister | Cleopas Dlamini |
| Uáivikaavpug |
Mbabane (haaldâtlâš) Lobamba (lahâasâttemlâš) |
| Vijđodâh | 17 364 km² |
| Virgáliih kielah | swazi- já eŋgâlâskielâ |
| Vaaluut | lilangeni (SZL) |
| Jiečânâsvuotâ | |
| – Stuorrâ-Britanniast | 6.9.1968 |
| Uánádâs | SZ |
| Jotolâh | čižetpiälásâš |
| Sundenummeer | +268 |
| Aalmuglâšlaavlâ | Nkulunkulu Mnikati wetibusiso temaSwati |
|
|
|
Eennâmtiätu
muteEswatini vijđodâh lii 17 364 km², mast 160 km² lii čääci. Vijđoduv mield Eswatini lii maailm 158. stuárráámus staatâ.[1]
Sajadâh já rääjih
muteEswatini lii staatâ máddáápiäláá Afrikist.[1] Ton ránnjástaatah láá Mosambik já Maadâ-Afrik. Eswatini lii uccâ staatä. Ton staatârääjih láá ohtsis tuše 546 km.[1] Kuhemus rääji lii rääji Maadâ-Afrikáin, mii lii 438 km.[1] Uánihumos rääji vist lii 108 km rääji Mosambikáin.[1] Eswatini lii siseennâmstaatâ, já te tast ij lah merâriddo ollágin.
Morfologia
mute- Válduartikkâl: Listo Eswatini vaarijn
Eswatini alemus saje lii Emlembe, mii paijaan 1 862 meetter alodâhân.[1][2]
Haldâttâh já politiik
mute
Eswatini lii Afrik majemuš absoluutlâš monarkia. Ton staatâhovdâ lii ngwenyama, kii lii lamaš ive 1986 rääjist Mswati III. Sust šoodâi Swazieennâm ngwenyama cuáŋuimáánu 25. peeivi 1986 talle ko sun teevdij 18 ihheed.[3] Suu eeči ngwenyama Sobhuza II jaamij jo ive 1982, mutâ Mswati III lâi talle vala vyeliahasâš.[3]
Eswatinist iä lah piäláduvah, tastko Sobhuza II kieldij taid ive 1973. Siämmáá ive sun meid lopâttij staatâ vuáđulaavâ.[4]
Jotolâh
muteMaađijjotolâh
muteEswatinist lii čižetpiälásâš jotolâh.
Fáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Eswatini.
Käldeeh
mute- ↑ 1,0 1,1 1,2 1,3 1,4 1,5 Explore All Countries — Eswatini The World Factbook. Čujottum 10.11.2024. (eŋgâlâskielân)
- ↑ Mlembe www.geonames.org. Čujottum 15.3.2023. (eŋgâlâskielân)
- ↑ 3,0 3,1 Mswati III www.britannica.com. 25.9.2024. Čujottum 10.11.2024. (eŋgâlâskielân)
- ↑ Eswatini country profile BBC News. 9.7.2011. Čujottum 10.11.2024. (eŋgâlâskielân)