Sámi Grand Prix 2021
Sámi Grand Prix 2021 lâi Sámi Grand Prix -juoigâm- já lávlumkišto, mon Säämi muusikfestivaal -servi ornij Kuovdâkiäinust Taažâ peln lávurduv cuáŋuimáánu 3. peeivi 2021 pessijâšmarkkânij ääigi. Tot lâi 31. tohe, ko kišto uárnejui. Juoigâmuási vuoitij tavesämmilâš Máhtte Ánte J. Sara olmoošjuáigusáin Karen Marianne,[1] já lávlumuási vuoitij tavesämmilâš lávlumjuávkku Lávre&Hilda.[2] Kišto maŋa DAT almostitij nurâldâhskiäru, mii siskeeld puoh uásálistei pittáid, njuolgist muusikpalvâlussáid neetist.
.jpg)
.jpg)
Juoigâm- já lávlumuásih mute
Ovdebij iivij náál kištoost lijjii kyehti uási: juoigâmuási já lávlumuási.
Juoigâmuási mute
Juoigâmuásist lijjii 10 uásálisted. Taam uási vuoitij kuovdâkiäinulâš Máhtte Ánte J. Sara, kii uásálistij nube keerdi kiišton.[3] Sun juoigâi káálgus pittáin Karen Marianne. Nubben lâi kárášjuvlâš Kim Hallgeir Berg pittáin Anna Mathilde já kuálmádin lâi bardulâš Johan Anders Oskal pittáin Per Thomas Oskal.[1]
Juoigâmuási uásálisteeh mute
| Staatâ teikkâ eennâm | Uásálistee | Juáigus |
|---|---|---|
 Taažâ |
Kim Hallgeir Berg | Anna Mathilde |
| Taažâ |
Johan Anders Oskal | Vilba, Per Thomas |
 Ruoššâ |
Domna Khomjuk | Parrša vigket |
 Ruotâ |
Jörgen Stenberg | Mathias Larsson |
| Taažâ |
Máhtte Ánte J. Sara | Karen Marianne |
 Suomâ |
Hanna-Maaria Kiprianoff | Mannu maainâs |
| Taažâ |
Ellen Ravna A. Triumf | Maikela Lena |
| Taažâ |
Nils Johan Gaup | Niillas Elle Sara |
| Taažâ |
Nils Lars Nilsen Eira | Jon Andreas Rognerud Eira |
| Taažâ |
Nils Peder A. Gaup | Sara Risten Susanna |
Lávlumuási mute
Lávlumuásist lijjii 6 uásálistee.[4] Uási vuoitij tavesämmilâš lávlumjuávkku Lávre&Hilda ađai Lávre Johan Eira já Hildá Länsman pittáin Jođi lea buoret go oru.[1] Nubben lâi EiRA pittáin Máilmmi nieida já kuálmádin láin kieldâsämmiliih Roman Yakovlev já Yarsem Galkin pittáin Máinnas Sieidejávri birra.[1]
Lávlumuási uásálisteeh mute
| Staatâ teikkâ eennâm | Uásálistee(h) | Laavlâ |
|---|---|---|
| Suomâ/ Taažâ |
Ailu Valle já Ingá Márjá Sarre | Beassášlihkku |
| Taažâ |
EiRA | Máilmmi nieida |
| Taažâ |
Bernt Mikkel Haglund | Stoagadit dolain |
| Taažâ/ Suomâ |
Lávre & Hilda | Jođi lea buoret go oru |
| Ruoššâ |
Roman Yakovlev já Yarsem Galkin | Máinnas Sieidejávri birra |
| Taažâ |
Ingá Máiiá Blind | Fárrui |
Áillohaš-muusikpalhâšume mute
Ive 2021 Áillohaš-muusikpalhâšume vuoitij Marja Helene Fjellheim Mortensson.[5]
Käldeeh mute
- ↑ 1,0 1,1 1,2 1,3 Utsi, Johan Ante já Norvang, Kolbjørn: Vant Sámi Grand Prix – Barndomsdrøm som har gått i oppfyllelse 3.4.2021. NRK Sápmi. Čujottum 10.1.2022. (tárukielân)
- ↑ Larsen, Dan Robert: Ná šaddá Sámi Grand Prix 2021 25.2.2021. NRK Sápmi. Čujottum 10.1.2022. (tavesämikielân)
- ↑ Eira, Biret Inger: Sámi Grand Prix 2021 juoiganoasi oasseváldit 3.4.2021. Ávvir. Čujottum 10.1.2022. (tavesämikielân)
- ↑ Eira, Biret Inger: Sámi Grand Prix 2021 lávlunoasi oasseváldit 3.4.2021. Ávvir. Čujottum 10.1.2022. (tavesämikielân)
- ↑ Utsi, Johan Ante: Marja Mortensson fikk årets Áillohaš-pris 3.4.2021. NRK Sápmi. Čujottum 10.1.2022. (tárukielân)