Julia Butters
Julia Butters | |
---|---|
Persovntiäđuh | |
Šoddâm | cuáŋuimáánu 15. peeivi 2009 |
Los Angeles, Kalifornia, Ovtâstum staatah | |
Karrieer | |
Aktiivlâžžân | 2011– |
Merhâšittee roolah | Once Upon a Time in Hollywood |
Lasetiäđuh | |
IMDb-sijđo | IMDb |
Julia Butters (š. 15. cuáŋuimáánu 2009 Los Angeles, Kalifornia) lii ovtâstumstaatâlâš pärničaittâleijee. Sun lii uápis Quentin Tarantino elleekooveest Once Upon a Time in Hollywood (2019), mast sun čaittâlij Trudi Fraser. Sun finnij kritikkárijn vijđáht rämidem rolâstis.[1][2][3][4] Ovdil tom sun lii čaittâlâm enâmustáá TV-roolâin.[5]
Eellim mute
Julia Butters šoodâi Los Angelesist cuáŋuimáánu 15. peeivi 2009 Lorelei já Darrin Buttersân. Suu eeči Darrin lii Disney animaattor, kii lii porgâm ovdâmerkkân elleekuuvijn Frozen (2013) já Ralph Breaks the Internet (2018).[6]
Karrieer mute
Butters vanhimeh tuálvoin suu jo kyevti-ihásâžžân keččâliđ finniđ roolâid máinusijn. Vuosmuš roolâ, mast sun sáárnui, lâi TV-rááiđust Criminal Minds, ko sun lâi tuše neelji-ihásâš. Tast maŋa sun čaittâlij 8 uásist TV-rááiđust Transparent tassaaš ko finnij suu vuosmuu válduroolâ TV-rááiđust American Housewife. Tien rááiđu peht Quentin Tarantino kaavnâi suu já nuuvt Butters finnij vuosmuu stuorrâ elleekoveroolâs Tarantino elleekooveest Once Upon a Time in Hollywood.[6]
Filmografia mute
Ihe | Nommâ | Roolâ | Eres tiäđuh |
---|---|---|---|
2015 | The Rusted | Piper | uánihisfilmâ |
2016 | 13 Hours: The Secret Soldiers of Benghazi | Beverly Silva | |
2016 | Term Life | Cate (7-ihásâžžân) | |
2016 | A Family Man | Lauren Jensen | |
2019 | Once Upon a Time in Hollywood | Trudi Frazer | |
2022 | The Gray Man | Claire Fitzroy | valmâštuumin |
2022 | The Fabelmans | Anne Fabelman | kuvviimin |
Ihe | Nommâ | Roolâ | Eres tiäđuh |
---|---|---|---|
2014 | Criminal Minds | Gabby Hoffer | 1 uási: "Gabby" |
2015–2016 | Best Friends Whenever | 5-ihásâš Cyd | uásih: "When Shelby Met Cyd" já "Fight for the Future: Part 2" |
2015–2016 | Transparent | Ella | 8 uásist |
2016 | The Kicks | Ashley | uási: "Take the Field" |
2016–2020 | American Housewife | Anna-Kat Otto | válduroolâ (pajeh 1–4); 90 uásist |
2016 | Pals | Julia | televisioelleekove |
2020 | Short Circuit | Little Girl | uánihisráiđu; jienâroolâ; uási: "Fetch" |
2021 | I Think You Should Leave | Little Girl | uási: "I Need a Wet Paper Towel"; skecci: "Tammy Craps" |
Fáádást eres soojijn mute
- Wikimedia Commonsist láá koveh teikkâ eres tiätuvuárháh fáádást Julia Butters.
Käldeeh mute
- ↑ A. O. Scott: ‘Once Upon a Time … in Hollywood’ Review: We Lost It at the Movies The New York Times. 24.7.2019. Čujottum 16.4.2022. (eŋgâlâskielân)
- ↑ Peter Travers, Peter Travers: 'Once Upon a Time in Hollywood' Review: Tarantino's Violent Tinseltown Valentine Rolling Stone. 23.7.2019. Čujottum 16.4.2022. (eŋgâlâskielân)
- ↑ David Edelstein: Quentin Tarantino’s Once Upon a Time in Hollywood Is a Seductive Pipe Dream Vulture. 26.7.2019. Čujottum 16.4.2022. (eŋgâlâskielân)
- ↑ Leah Greenblatt July 23, 2019 at 12:11 PM EDT: Quentin Tarantino's 'Once Upon a Time in Hollywood' is a wild, shaggy '60s thrill ride EW.com. Čujottum 16.4.2022. (eŋgâlâskielân)
- ↑ Matt Miller: The Real Breakout Star of 'Once Upon a Time in Hollywood' Is the 10-Year-Old Actress Who Shares Scenes With Leonardo DiCaprio Esquire. 26.7.2019. Čujottum 16.4.2022. (eŋgâlâskielân)
- ↑ 6,0 6,1 Justin Curto July 29, 2019 01:43 Pm: Meet Julia Butters, the 10-Year-Old Once Upon a Time in Hollywood Breakout Star PEOPLE.com. Čujottum 16.4.2022. (eŋgâlâskielân)