Debrecen [ˈdɛbrɛt͡sɛn] lii Uŋgar nubben stuárráámus kaavpug Budapest maŋa. Kaavpug lii Uŋgar nuorttâuásist alda Romania rääji. Debrecenist ääsih 200 974 olmožid (1.1.2021). Kaavpug vijđodâh lii 461,66 km.[1]

Debrecen

Debrecen

Koordinaateh: 47°31′48″N, 21°38′21″E

Staatâ Uŋgar
Kuávlu Észak-Alföld
Lääni Hajdú-Bihar
Servikodde Debrecen
Vijđodâh 461,66 km²
Alodâh 121 m
Ässeeloho 200 974 (1.1.2021)
Ässeesaahâdvuotâ 435,33 ässed/km²
Äigi UTC+1
– kesiäigi UTC+2
Postânummeer 4000–4044, 4225
Sundenummeer (+36) 52

Debrecen lii lamaš Jyväskylä ustevvuotâkaavpug ive 1970 rääjist.[2]

Historjá mute

Kaavpug nommâ (häämist Debrezun) mainâšuvvoo vuossâmuu keerdi ive 1235.[3]

Viehâdâh mute

Ässeeloho mute

Käldee: Központi Statisztikai Hivatal[4]


Debrecen ollâopâttâh mute

Debrecenist lii Uŋgar puárásumos ollâopâttâh, mon toimâ lii jotkum puáđhuhánnáá siämmáá saajeest. Ollâopâttâh madduuh láá jo ivveest 1538.[5] Onnáá peeivi Debrecen ollâopâttuvâst loheh suullân 30 000 uápped 14 tieđâkoddeest.[6] Ive 1927 rääjist Debrecen ollâopâttuvâst lii toimâm kesiškovlâ, mii fáálá uŋgarkielâ kuursâid olgoeennâmláid.[7]

Debrecen kukkákarnevaal mute

Porgemáánust Debrecenist uárnejuvvoo pegâlmâs kukkákarnevaal (uŋgarkielân virágkarnevál). Karnevaal lii juhlum Uŋgar aalmuglâšpeeivi kunnen porgemáánu 20. peeivi ive 1966 rääjist.

Kukkákarnevaaleh pišteh onnáá peeivi suullân oho. Ohjelmist láá puohlágáneh konserteh, párnáitábáhtumeh já teatterčaitâlmeh. Stuárráámus tábáhtume lii kuittâg ain kukkápaaraat porgemáánu 20. peeivi. Paratist láá fáárust jieškote-uvlágáneh váávnuh, moh láá čiŋâttum kukkáiguin. Kukkákarnevaal lii uáli pivnohis tábáhtume, já tom puátih meid ennuv turisteh keččâđ.[8]

Ustevvuotâkaavpugeh mute

Debrecen ustevvuotâkaavpugeh láá:

Fáádást eres soojijn mute

Käldeeh mute

  1. Központi Statisztikai Hivatal www.ksh.hu. Čujottum 31.5.2022.
  2. Jyväskylän ystävyyskunnat www.jyvaskyla.fi. 16.2.2018. Čujottum 31.5.2022. (suomâkielân)
  3. Web Archive web.archive.org. Čujottum 31.5.2022.
  4. Központi Statisztikai Hivatal www.ksh.hu. Čujottum 13.6.2022. (uŋgarkielân)
  5. From the Reformed College to the University of Debrecen | University of Debrecen unideb.hu. Čujottum 31.5.2022.
  6. Welcome Message | University of Debrecen unideb.hu. Čujottum 31.5.2022.
  7. About Us – Debrecen Summer School nyariegyetem.hu. Čujottum 31.5.2022.
  8. Kezdőlap Debreceni Virágkarnevál. Čujottum 31.5.2022. (uŋgarkielân)